محاورة شعرية بين اصدقاء اثنين كل منهم يشكوالى الاخر جور الزمان

:: عضو جديد ::

محاورة شعرية بين أصدقاء اثنين كل منهم يشكو إلى الأخر جور الزمان
زماني حيل بية اوجر ولاهاد
وزنكني حيل من متني ولاهاد
ونخيت الجان من ربعي ولاهاد
طلع ياللأسف مابيه حمية
2 زمانك بالمتن جرك وعتك
وعدي وياك ماضايع وعتك
وشوف همومي الجدد وعتك
يجرني من الهدم يتفل عليه
يبختك عل تفال شبيك محلاه
يطعم ارياجي منه شكثر محلاه
ولك شال الكلب خله الكله محلاه
والكبد ويه الرئه عطلن سويه
زمانك عطل جبودك ورتك
لكونك تنظر الحالي وريتك
انازع بالعزيزة انطر وريتك
تجي وعل قبلة نتوجه سويه
عقلك راشد ويندل قبلته
زماني بالحزن جاني قبلته
شبكته وحيل من خده قبلته
كل هذا وطفر من بين اديه
زمانك طفر مابين يداك
وحك شيبة امام الناس يداك
بعد جور الوكت بالكلب يداك
وصمامه انغلك من ضيم العليه
صمامك وكف وتريد الك حال
اناشد عا لاجل بس الوكت حال
شحجيلك بعد ياجرح ياحال
بتعس حال ياروحي النديه
بعد روحك نديه وبيه راحه
انه نياشين الوكت بخدودي راحه
طيح انيابي وبكت بالحلك راحه
بلعت الزاد من غصبن عليه
يمن دولاب جابنك وناباك
زمانك شلع ارحيك منابك
ولك تمشي الناس متكبله ونابك
والاستيرن عكس يلعب عليه
الاستيرن عكس ياصاحبي وياك
وخذ حالي ويه حالك بالله وياك
ولاتشكي الجرح للناس وياك
شماته الناس لاتشكي الاذيه ...........

AdMiN

عاشت ايدك اخويه

ع الابوذيات الرووعه و المحاوره الجميله

الله يعطيك العافيه و لا تحرمنا جديدكِ

تحياتي ألك

:: عضو جديد ::

انا في الخدمة ومشكور على المرور الخلاب تحياتي